د الرایه جریدې ۱۱۱مه ګڼه خپره شوه

د حزب التحریر مرکزي مطبوعاتي دفتر، د خپلو مرکزي پاڼو تعقیبوونکو ته د "الرایه"جریدې چې په لومړي ځل په ۱۹۵۴ م کال کې چې د ۱۳۷۳ هـ ق د ذوالقعدي له ۲۸ مې سره سمون لري، خپره شوې وه، له بیا خپرېدو خبر ورکوي.

د ۱۹۵۴م کال د اکتوبر په ۲۷مه چې د ۱۳۷۴ هجري د صفر له ۲۹ مې سره سمون لري،"الرایه" جریده د دیارلسمې ګڼې له چاپ وروسته د اردن ظالم او ستمګر دولت له لوري ممنوع اعلان شوه.

د الرایه جریده د عمان په پلازمېنه اردن کې هره اونۍ د چهارشنبې په ورځ حسینې مسجد ته نېژدې له یوه واړه کتابتونه وېشل کېده. په لومړيو کې د دې جریدې مسوول مدیر، د حزب التحریر دویم امیر جلیل القدر عالم شیخ عبدالقدیم زلوم رحمت الله علیه و. وروسته د حزب التحریر اوسنی امیر شیخ عطا بن خلیل ابو رشته یې مسول مدیر شو او د دغه جریدې یو غوره لیکوال منیر شقیر یې د سرمنشي په توګه فعالیت کاوه. همداراز د استاد نبیه الجزایري  د نړۍ د روانو حالاتو مهم مطالب له انګلیسي، عربي ته ژباړل او په دغه جریده کې يې خپرول.

الرایه جریده د نړۍ له ورځنیو خپرونو څخه بشپړ توپیر لري، ځکه چې د نړۍ په سیاسي اوضاع بحث کوي، نړیوالو او په ځانګړي ډول  اسلامي امت ته له ستونزو څخه د وتلو ریښتینې لار د اسلام د ایډیولوژۍ له لیده بیانوي.

انشاءالله چې هره شمېره به یې یو په بل پسې خپره شي، خو اوس د خپرو شو ګڼو د ترلاسه کولو لپاره پر لاندې لینک کليک وکړئ:

http://www.hizb-ut-tahrir.info/ar/index.php/dawahnews/sporadic-news/29432.html